Huliðsheimar Íslands og Akureyrar

Erla Stefánsdóttir sjáandi, sá og skynjaði bylgjulengdir sem ná langt út fyrir það sem venjuleg mannleg augu sjá og skynja. Kortin, Íslands vættir og orkulínur og Huliðsheimar Akureyrar, eru teiknuð og unnin út frá sýn og teikningum Erlu. Íslands vættir og orkulínur er leiðarvísir að helstu orkustöðvum og orkulínum Íslands fyrir þau sem vilja finna leiðina að innstu leyndarmálum náttúrunnar. Huliðsheimar Akureyrar sýna ýmis hugform og hulduverur og bústaði þeirra. Þessi kort eru teiknuð og unnin í þeirri von að þú og allir þeir sem skoða kortin beri virðingu fyrir náttúrunni og landinu.

Eikarlundur

Ásbyrgi

Álfar við Háskóla Akureyrar

Kotárgil

Kaldbakur

Öll form lífsins eru hlaðin lífsorku, sem streymir og hljómar líkt og fögur hljómhviða og er innri birting efnisins. Náttúran öll er lifandi og í hverjum húsagarði eru trjáverur, blómálfar og grasálfar. Jafnvel íbúar í klettum og litlir jarðdvergar í smáum húsum sem sýnast steinar.

Móðir jörð er lifandi vera gædd mætti, vitund og lífi. Landið okkar er einstakt og býr yfir ótrúlegri fegurð sem gleður mannsaugað og nærir sálina. Skynjun mín er sérstök og vil ég biðja þig að taka henni sem hverju öðru ævintýri. Ef þú vilt upplifa með mér ævintýrið skaltu skoða kortin, horfa og finna með hjartanu.

Erla Stefánsdóttir

Hægt er að kaupa kortin Íslands vættir og orkulínur og Huliðsheimar Akureyrar á eftirfarandi stöðum: